النهاردة ودعت اول واحد في رحلتنا للمجهول.... القط بتاعنا :((((((((((((((((((((((((((((( ...كان عندنا من اقل من سنة وكان جاي وعنده شهرين ....مكنتش عارفة اني هتعلق بيه كدة وهحبه بالشكل ده .... كان هادي وملوش حس وطيب والولاد عملوا فيه عمايل ومكنش بينطق كنت اول ماافتح باب الشقة يجري عليا حتي لو نايم ويمسح راسه فيا ويبصلي علشان اشيله ولو معايا كيس يبقي عايز يعرف الكيس فيه ايه فضولي هو ....كان يستني بره باب الاوضة واول مافتح الاقيه واقفلي علي الباب ويمشي ورايا في كل مكان .... اخده خالي وانا متأكدة انهم هيحبوه وهيراعوه احسن مننا ...المشكلة ان عندهم قط تاني عجوز وعرفت ان القط بتاعي خايف منه ومستخبي من ساعة ماراح تحت الكنبة ومش راضي ياكل ...كل مافتكر كدة افتح في العياط ويصعب عليا ... اصله غلبان اوي.... كل ما اخرج من باب الاوضة افتكر اني هلاقيه قدامي وبعدين افتكر وازعل اوي
