تجربة الانسان بتختلف من شخص للتاني ... بتتشابه في حاجات وبتختلف في حاجات تانية ... عمر ماهنلاقي قصة حياتنا متكررة بنفس مفرادتها ...احساسينا ومشاعرنا تجاه التجربة اكيد مختلفة عن اي انسان تاني... حسب الثقافة والبيئة والظروف الاجتماعية والاحوال المادية والاهداف والمقدرة علي التحمل والصبرو قوة الشخصية والعمر.

تجربة السفر مثلا ممكن ناس تلاقي فيها نفسها وحلمها وتبدا حياة جديدة و ناس تانية تتقوقع جوا نفسها وتخاف من المجهول وتربط نفسها بالماضي اللي كان المفروض تعيشه  وماتشفش قدامها اي جمال ولا خير في حياتها الجديدة زي ما انا بعمل كدة.

الانسان بيكتب خواطره علشان يفتكرها ويرجع لها من وقت للتاني او علشان ينقلها لناس تانية يستفادوا منها او بيكتبها علشان يتخلص منها ومتبقاش محبوسة جواه و لما يحكي ومايلاقش حد يسمعه بتبقي المنفذ الوحيد اللي يخفف به عن نفسه.

بيت صغير فى كندا